அடிவானம் சிவந்திருச்சி
அதன் சூடும் தனிஞ்சிருச்சி
என் மனசின்னும் தனியலியே
மச்சான் உன் நெனப்பால......
மழைபேய காத்திருக்கும்
மண்போல நானிருக்கேன்
வெறுந்தூரல் விழுந்ததுபோல்
நனைக்காம போனதென்ன?
ஆத்துக்குள்ள மீனப் போல
காதல் செய்ய தோணுதிங்கே
ஆத்து தண்ணி குளீருபட்டும்
மோகத் தீ அணையலியே......
ஒத்த முத்தம் தந்திடவே
சித்தமெல்லாம் உறைஞ்சதென்ன
செக்கிழுக்கும் மாடுபோல
என் மனசு சுத்துதடா.......
பாயவிட்டு எழுந்திடலை
வேலை செய்ய விருப்பமில்லை
உன் நெனப்ப அசபோட்டே
படுத்தே தான் நான் கிடக்கேன்.....
இடுப்போட கை அணைச்சி
இதமா நீ முத்தம் வைக்க
மது குடிச்ச வண்டாட்டம்
மனம் போதையில தள்ளாடியதே.......
உன்னோட மீச முடி
என் ஆசை கூட்டிடுதே
கண்ணோட ஒரு பார்வை
காதல் வெறி ஏத்திடுதே.....
உன் வெத்து மார்பதிலே
விரல் கோலம் போட்டிடவா
உச்சி முதல் பாதம் வரை
இச்சு முத்தம் தந்திடவா?.......
ஒத்தையடி பாதையிலே
விரல் பிடிச்சு நடந்திடவா
வரப்போட நீ சரிய
உன் நெஞ்சில் நான் சரிய......
ஆத்துப் பக்கம் தோப்போரம்
அத்து மீறல் செஞ்சிடலாம்
ஆசப்பட்ட உன்னோட
அணைச்சபடி உறங்கிடலாம்.....
வச்ச விழி மாறாம
உன் முகத்த நான் பார்க்க
என் கழுத்து நரம்பேதான்
வலி கொஞ்சம் கூட்டிடுதே......
எத்தனையோ ஆசையெல்லாம்
பொத்தி வச்சி நானிருந்தேன்
பொசுக்குன்னு நீ போக
பொசுங்கிடுதே என் மனசு....
ஓடக்காத்து போலவே
உன் நெனப்பில் நனைஞ்சபடி
நீ விட்டுப் போன இடத்திலேயே
மனம் சிட்டுப்போல சுத்திடுதே.......
0 comments
Post a Comment