முகப்புத்தகத்தில் காதல்

ஒரு முகம்
பலரின் பாவனைகள்.
ஒரு புத்தகம்
பலரின் பக்கங்கள்.
இணைய உலாவியில்
இதயங்களை இணைத்து
மென்பொருள் நரம்புகளில்
கோலேச்சுகிறது.
முகப்புத்தகம்.!

காதல் உணர்வுகள்
தனிவிடுகை
தனியறையில்
பரிமாறப்படுகிறது.

சில்மிஷ சீண்டல்கள்
ஸ்மைலி பொம்மை
பண்டமாற்றங்களில்
கிளர்ந்தெழுகிறது .

பரமக்குடி கிராமத்து கட்டழகனுக்கு
நியூயார்க் தமிழ்தேவதை
அழகை முகருகிறான்.
சிங்காநல்லூர் சிங்காரி
சிங்கப்பூர் சிரிப்பழகனின்
புன்னகையை வாசிக்கிறாள்.

ஊடல் கொண்டாலும்
முத்த சத்தமிட்டாலும்
ஊர்மேய்ந்து உலகமேய்ந்து
உரியவன்(ள்) கணினித்திரையில்
உரக்கமாய் உருக்கமாய்
சேதி சொல்லும்.

முகப்புத்தகத்தில் காதல்
முகவரி கொடுத்தவரும் உண்டு
முகவரி கெடுத்தவரும் உண்டு.

முகத்தோற்றத்தில் மயங்கி
முளைத்த காதலும்,
அகத்தோட்டத்தில்
உள்ளப்பூக்களாக மலர்ந்த
உயர்ந்த காதலும் பூக்கும்.


முகமறியாமலே மனம்
முழுவதையும் தொலைத்து
காதல்,,ஊடல், என்று
சகலமும் செளகரியமாய்
அரங்கேறிவிடும்.....
உடல் கூடலை தவிர..!


முகப்புத்தகம்....!
நட்பு முன்னுரை.!
காதல் முடிவுரை.!